PILGUB KALTIM 2018 #22: KETUA DEWAN DI BUNGULI

PILGUB KALTIM 2018 #22: KETUA DEWAN DI BUNGULI

(Edisi bahasa Samarinda, silahkan dampingi penerjemah jika diperlukan… heheh)

KEJADIAN ini barusan tadi malam waktu habis bulikan bedapat kekawalan. Dengan tetiba ada WA masuk dikirimi gambar crop hasil WA yang isinya kira-kira negkaya ini nah (WA aslinya kadausah ulun tampilkan disini lah takutan jua kalo pina kena melanggar undang-undang ITE).

Ini diskusi WA antara broker-politik vs ketua dewan ;

Broker ; pak haji ulun lagi di Jakarta ini, piyan handak ke Jakarta kalo bebila?

Pak Haji ; beapa aku umpat ke Jakarta kalau aku ini kada di herani urang jua ding ae. (bepura merajuk sidin ini gegara selama ini handak maju calon Gubernur Kaltim tapi pina kada pernah digutil-gutil urang).

Broker ;  (dalam hatinya ah bagus ini respon pak haji)… ujar DPP piyan masuk bursa calon ini. Lakasi ke Jakarta piyan lah ulun menunggui nah.

Pak Haji ; hau bujuran kah itu. (mulai harap-harap cemas).

Broker ; ulun ini kada berani pang bekeramput. (beusaha meyakinkan).

Pak Haji ; ayu ae amun ujar ikam kaetu, tulak nih aku kena habis subuh lah.

Broker ; (dalam hatinya duit sudah ini)… inggih piyan ulun tunggui sungsung isuk lah di bandara Soekarno-Hatta.

Pak Haji ; hi ih ding ae, tunggui haja lah…

(baluman tangah hari sudah bedapat pak haji wan broker-politik ini di Jakarta, kesah berlanjut).

Broker ; nah syukur jadi datang piyan pak haji, urang DPP sudah menunggu piyan.

Pak Haji ; aku sudah siap ini ding ae, ayo kita be-nego.

Broker ; jadi nengkaya ini pak haji lah piyan kan tahu sorang di Jakarta ini apa-apa larang. Supaya kita nyaman bekesahan dengan urang DPP sekalian meambil hatinya itu piyan bayari dulu tagihan bubuhannya malam tadi di hotel ini.

Pak Haji ; berapa? … (sudah mulai kada nyaman perasaan).

Broker ; 12 juta… (pina mantap banar broker ini menyambat haraga).

Pak Haji ; nah ini ni ding ae nang sudah kuduga, tapi kada papalah… (sambil meunjuk duit).

Broker ; (tuntung sudah kesahnya membayar ke kasir, tapi pak haji kada meumpati ke kasir tadi)… ayo pak haji piyan ulun bawa mehadap…

Pak Haji ; setumat pang… apa garang yang ikam dangar dari DPP.

Broker ; yang ulun dangari dari buhannya piyan handak dimasukan bursa calon di Kaltim.

Pak Haji ; terus apa lagi…

Broker ; baluman ada calon nang pasti jarnya, makanya ulun lakas mehabari piyan.

Pak Haji ; iya ae amun kaetu… aku setumat kekamar dulu handak besiap. Tunggu aja ikam kaina kuhabari. (sambil dalam hatinya… rasa dibunguli aku ini baluman apa-apa sudah ditagih suruh bayar, kayapa amun disuruh bayar SK bisa-bisa larang banar itu, sementara yang nyata-nyata mau nyalon haja masih belum jelas apalagi aku ini lah nang kada pernah umpatan kesana-kemari, nah am baru kepikiran).

Sementara segitu dulu lah, pak haji sudah tekor 12 juta tu disuruh membayari entah apa tagihan ujarnya bubuhannya. Gegara beharap di calonkan urang langsung percaya aja padahal sidin lupa kalau pencalonan itu harus melalui mekanisme, kadanya langsung main panggil main ketemu DPP terus dapat SK.

BACA JUGA: PILGUB KALTIM 2018 #9: MENIPU ITIK DALAM PILGUB KALTIM

Detik-detik terakhir seperti saat ini dimana SK pusat belum keluar itu dijadikan kesempatan broker-politik untuk becari duit dengan cara membunguli nang tuha tapi kada tapi paham permainan kekanakan. Duit bakal habis kahandak jadi dicalonkan urang kada tecapai, bingung jadinya siapa nang dihamuki.

Tuntung ae dulu kesahnya be WA-an antara pak haji dengan broker-politik ini, tapi pak haji masih membatin jua apa bujur kekanak nangini membawa habar lah, mulai terasa jua hawatir dibunguli kekanakan.. Lalu ae pak haji membawa kesah ini ke anak buah sidin nang kada tapi paham urusan politik itu, karena inya begawi wan pak haji ini hanya meurusi bini mudanya pak haji haja supaya kada ketahuan bini tuha sidin. Nah, anak buah pak haji inilah yang mengirimi crop-chat WA itu malam tadi makanya jadi kesah ini. Kita tunggu ae amun ada kelanjutannya karena ini masih benego urang disana.

Sekian…  ambil hikmahnya jika ada, bagi yang sudah terbiasa mengalami gak usah komen diam-diam aja supaya gak ketahuan trik jitunya.

(DC)

BACA JUGA : Survei Menang Telak Pilkada

Recommended for you